Znam da Matej ranije nije pravio takve incidente, niti ludosti, znam sa kim sam u vezi, rekla je Sanja
Sanja, djevojka Mateja Periša, mladića iz Splita koji je u noći između 30. i 31. decembra nestao u Beogradu, kazala je kako postoji niz nelogičnosti oko nagađanja šta se dogodilo sa 27-godišnjim Splićaninom.
- Ne znam šta da vam kažem, s obzirom na to da gledam one snimke na kojima trči, ono jeste on, a kao da nije. Prvo, momak u crnim patikama nije on, u bijelim jeste. U vodi nije on, to da znate, zna se da je snimak star. Znam da Matej ranije nije pravio takve incidente, niti ludosti, znam sa kim sam u vezi - rekla je Sanja za "Akter"
Čula se s Matejem kobne noći
- Ja sam prije dve godine bila tamo, bila sam i tamo u Beton hali, poznat mi je taj teren. On je bio baš ushićen što ide tamo, pola godine je planirao da ide u Beograd za Novu godinu. Prvo su njih trojica planirala, poslije su im se priključila još trojica drugova, pa još jedan, tako da je na kraju ispalo njih sedmoro.
Inače, ova dvojica su mu prijatelji iz osnovne škole. Organizovali su i doček u nekom hotelu, za subotu Skadarliju, zajedno smo tražili apartman tamo - kaže djevojka i dodaje da ona nije htela da ide sa njim, "jer je to muško društvo i da nema smisla da ona ide".
Sanja kaže da se sa Matejem posljednji put čula 30. decembra oko 21:30 sati kada joj je on poslao video.
- Meni se bio ugasio mobilni, a bila sam na poslu. Kada sam oko ponoći došla kući, odgovorila sam mu na tu poruku i otišla sam da spavam. Probudila sam se u sedam ujutru i vidim da mi nije poslao poruku za laku noć kada je došao iz grada, što on uvijek radi. Vidim nema ništa.
Nisu bili u tom fazonu
Poslala sam mu poruku tada: "Jel sve ok?", odgovora nema. Poslije sam mu oko dva popodne opet poslala poruku, opet ništa. Razmišljam da ne može da spava toliko dugo, nema šanse.
Onda sam se kasnije popodne čula s njegovim prijateljima, koji su mi rekli da je nestao, da mu je jakna tu, da ne znaju ni oni šta se desilo. Oni su bili van sebe - rekla je Sanja, dodavši da je pogađaju priče da je njen partner s društvom konzumirao drogu.
- Oni uopšte nisu bili u tom fazonu! A i da jesu, pa ko bi prenio drogu preko granice?! A, tamo oni apsolutno nikoga ne znaju, gdje bi to nabavili, tako da nema mi to smisla. Još tek su bili došli, prvi dan, nema šanse. On se meni javio u 14:30 kada su prešli granicu, pa u 18 sati kada su ušli u apartman, pa u 21:30 sa večere. Oni su svi normalni.
Incident u klubu
Na tom videu, što mi je poslao, su se vidjele tri flaše vina, ali njih je sedmorica. Vidjelo se da su neki pili crno vino, neki bijelo, atmosfera je bila vesela. Sjedili su, čekali su večeru, ništa posebno - opisala je Sanja video koji joj je Matej poslao oko 21:30, te dodaje:
- Ako je i bio drogiran, onda mu je to neko sipao u piće. On to nije sam uzeo.
Sanja se dotakla i incidenta u klubu. Kako kaže, za to je čula od prijatelja, a navodno je konobar Mateju i društvu želio naplatiti veliku svoju.
- U klubu je navodno bio neki incident, koji je trajao tri minuta. Tu su bili neki momci iz Zadra, ne znam im ni imena, ni ništa o njima, i oni su se "naguravali" i onda je ubrzo poslije toga njima poslata flaša pića za sto, tako da se tu smirilo. Tako da ne znam šta se moglo desiti poslije toga.
Samo sam čula priču da je konobar ili konobarica, htio naplatiti veliku svotu novca i da je tu ispao incident i da je došlo obezbjeđenje. E sad, da li taj klub želi to da zataška ne zna, ali to je pouzdana informacija. To je sve bilo prije nego što je Matej izašao iz kluba - istakla je Sanja.
Matej doživio traumu
Prema njenim rečima, Matej je prije četiri mjeseca doživeo tešku traumu, jer mu je prijatelj poginuo pred očima.
- Nakon toga nije išao kod psihloga, bio je sasvim normalan. Nije pio ni lijekove, apsolutno ništa. Kada se to desilo on je mene pitao: "Jel misliš da će ovo ostaviti neke posljedice na mene?", ja sam rekla da ćemo vidjeti, da ćemo pratiti i da ćemo otići po stručnu pomoć ako bude trebalo. Međutim, stvarno nije bilo potrebe za tim - kaže Sanja, djevojka mladića iz Splita za "Akter".
IZVOR: AVAZ
